Pas daljes së saj nga Apeli i Posaçëm, deputetja e Partisë së Lirisë, Monika Kryemadhi i është përgjigjur dhe interesit të medias se nëse do të angazhohet në zgjedhjet e ardhshme parlamentare përkrah Partisë së Lirisë.
Kryemadhi tha se nuk merret më me politik, ndonëse është ende deputete në Kuvend, teksa shtoi se në të ardhmen misioni i saj do të jetë sensibilizimi i publikut për personat që nuk duhet të kandidojë.
“Unë nuk merrem më me politik, unë do të merrem me sensibilizimin e opinionit publik përsa i përket manipulimit dhe luftës së tretë botërore që është fake news. Nuk kam dëshirë për të kandiduar, por nuk do të lejoj njerëzit jo të duhur që të kandidojnë”, tha Kryemadhi.