Kengetarja Morena Taraku dha lajmin e gëzueshëm për të dhe familjen e saj. Ajo u bë hallë e një vogëlushi për herë të parë dhe duke përfituar nga “Dita e Nënës”,ka bërë një urim me fjalët më të bukura për familjen e saj.
“Unë humba nënën time kur isha 11 vjeç, pas kësaj shtëpia më është dukur gjithmonë e zbrazët. Siç e dini unë jam rritur më babain dhe vëllain tim. Kur vëllai im u martua, gjithmonë e kam pyetur atë dhe gruan e tij për një fëmijë. Gjithmonë kam ëndërruar që të bëhem hallë dhe të kem një familje e madhe. Sot është një ditë e veçantë. Një ëngjëll ka zbritur në jetën tonë që ta bëjë edhe më të bukur. Betohem se jeta ime ka ndryshuar në atë moment, ende s’mund ta besoj se çfarë dhurate më ka bërë zoti. Familja është gjëja më unike në botë, të jem me ta dhe të ndaj momente të lumtura është gjëja më e mrekullueshme që mund të ndodhë. Unë do të jem gjithmonë pranë tyre, Zot bekoje atë dhe familjen time”, ka shkruar Morena.
Përsa i përket karrierës, kujtojmë se së shpejti Morena do të publikojë këngën në bashkëpunim me reperin e njohur dhe ish-boksierin, Jalal Oba./revistawho.com