Në qoftë se jeni në një udhëtim të gjatë apo edhe mund të keni ngecur në trafik, celularin e shikoni si mundësi për të kaluar kohën. Fillimisht, mund të duket e padëmshme që telefonin tuaj ta fusni për tu karikuar me USB e makinës.
Por, ngarkimi i iPhone gjatë udhëtimit tuaj mund të jetë një ndër gabimet më të mëdha.
Natyrshëm na lind pyetja se përse? Kjo, pasi porta USB në automjetin tuaj ndoshta siguron shumë më pak energji elektrike se sa i duhet në të vërtetë telefonit tuaj për t’u karikuar. Për pasojë, telefoni mund të ndalojë teksa merr karikimin, ose mund edhe të mos karikohet fare.
Po ashtu, aparati celular mund të marrë shumë energji, për të cilën nuk ka nevojë. Një karikues i dëmtuar mund të ofrojë energji të paqëndrueshme të pajisjes, duke i shkaktuar mbinxehje, dëmtime të komponentëve të brendshëm ose në ndonjë rast edhe mund të shkatërrojë pajisjen.