Kryetarja e LSI-së, Monika Kryemadhi ka shpërthyer në tone të larta mbrëmjen e sotme teksa ishte e ftuar në “Open” dhe biseda është devijuar nga zgjedhjet te inceneratorët.
Kryemadhi tha se i ka denoncuar dhe do vijojë t’i shkojë pas bandës së inceneratorëve, teksa tha dhe se bandat e Vlorës kanë tentuar të blejnë strukturat e LSI dhe PD në këtë qytet.
Kryetarja e LSI deklaroi se Policia e Shtetit ka video ku shihen eksponentë të PS që blejnë vota. Ajo tha se vetë disponon 30 video.
Kryemadhi: Banda e Vlorës ka tentuar të blejnë struktura të LSI dhe të PD. Kosto e votës është sa një leje ndërtimi. Në Elbasan përdoret prokuroria, s’ka nevojë të përdoren individë të veçantë. Në Durrës përdor policinë ai.
Vasili: Ok!
Kryemadhi: Jo jo mos më thuaj mua ok, se nëse më bën pyetje do përgjigjem. I kam çuar në SPAK denoncimet lidhur me bandën e inceneratorëve. E kam dhe me ca që luftojnë me flamurin e demokracisë. Policia e Shtetit ka video të eksponentëve të rilindjes që blejnë vota dhe shpëndajnë para dhe nuk i heton. Mbi 30 video i kam unë. Po presim si do reagojnë, dhe më pas kur të thonë diçka do i përdorim, do i them mbylleni gojën se ja ku i keni provat.