Shërbimi meteorologjik ushtarak njofton se nesër mesditë reshjet e shiut do të jenë prezente përgjatë relieveve malore në jug e juglindje të vendit. Lokalisht reshje në formën e shtrëngatave.
Më poshtë shihni edhe temperaturat deri sa do të shkojnë ditën e nesërme.
“Dita e martë do të ketë mot me alternime kthjellimesh dhe vranësira në zhvillim.
Në mesditë vranësirat do të pasohen nga reshje shiu të karakterit lokal përgjatë relieveve malore në jug e juglindje të vendit. Lokalisht reshje në formën e shtrëngatave.
Era do të jetë nga kuadrati i veriut me 1-10m/s.
Temperaturat parashikohen :
zonat malore 13°C deri në 28°C
zonat e ulëta 18°C deri në 34°C
zonat bregdetare 16°C deri në 33°C”, njofton SHMU.