Për shkak të përkeqësimit të motit, lundrimi nga Porti i Durrësit drejt Barit është shtyrë.
Në njoftimin për mediat sqarohet se nisja e tragetit do të bëhet me disa orë vonesë, ndërsa iu bëhet thirrje qytetarëve që për çdo informacion të kontaktojnë me kompanitë e lundrimeve.
Njoftojmë të gjithë pasagjerët që kanë rezervuar biletat për të lundruar me traget mbrëmjen e sotme drejt Barit(Itali) se për shkak të kushteve të vështira të motit, nisja nga Porti i Durrësit do të bëhet me disa orë vonesë.
Kompanitë e lundrimeve do të respektojnë të gjitha detyrimet që lindin nga kjo vonesë, prandaj për çdo informacion mund të kontaktoni me to.
Ju falenderojmë për mirëkuptimin dhe sapo të kemi një njoftim për normalizimin e situatës, do e bëjmë të ditur në vijim.