Të shtunën, vendi ynë do të ndikohet nga kushte atmosferike të paqëndrueshme. Moti do të paraqitet me alternime kthjellimesh dhe vranësirash mesatare deri në të dendura, më të theksuara në relievet malore të verilindjes dhe juglindjes.
Në këto zona parashikohen reshje shiu me intensitet të ulët, ndërsa në zonat malore do të shfaqen shtrëngata afatshkurtra.
Era do të fryjë nga juglindja në jugperëndim me shpejtësi mesatare 5 m/s, ndërsa përgjatë vijës bregdetare dhe në zonat luginore do të arrijë deri në 8 m/s. Valëzimi në det pritet të jetë i ulët, me forcë 1-2 ballë.