Motra e liderit të Koresë së Veriut, Kim Jong-Un e ka etiketuar qeverinë e Koresë së Jugut si ‘idiote’ për marrjen në konsideratë të sanksioneve të reja kundër vendit të saj, ndërsa paralajmëroi se presioni ndaj vendit të saj vetëm sa do “t’i hedhë benzinë zjarrit” në konfliktet mes vendeve.
Ministria e Jashtme e Koresë së Jugut tha se po shqyrtonte sanksione ndaj Veriut pas breshërisë së saj të shtuar të testeve raketore, ndërsa deklaruan gjithashtu se do të merrnin masa kundër sulmeve kibernetike nga Koreja e Veriut.
Këtyre deklaratave Kim Yo Jong iu përgjigj duke thënë: “Pyes veten se çfarë ‘sanksionesh’ do t’i vendosë Koresë së Veriut grupi koreano-jugor, të cilin e cilësoi si “jo më shumë se një qen i egër që gërryen një kockë të dhënë nga SHBA-ja me paturpësi.”