Drejtuesi politik i Qarkut Dibër Xhelal Mziu njoftoi nëpërmjet një postimi në Facebook se kryetari i PD-së Lulzim Basha ka siguruar një fitore “spektakolare”. Në Dibër sipas tij ka fituar 98 % të votave dhe në rang qarku 95 %.
Sipas Mziut platforma Basha u besua nga demokratët dhe se ajo do të rrëzojë qeverinë Rama.
Paraditen e sotme kandidatja në garë Edit Harxhi tha se në degën e Matit një person votonte për të gjithë pjestarët e familjes, duke hedhur dyshime të forta se antarësia nuk ka votuar.
Postimi i Mziut:
Fitore spektakolare e Kryetarit Basha, në Dibër mbi 98% e demokratëve Dibranë besojnë tek lidershipi i Tij.
Në rangë qarku Dibër, Basha merr mbi 95% të votave.
Falenderoj përzemërsisht të gjithë demokratët e qarkut Dibër
Fiton bindshëm në rang vendi, demokratët e Shqipërisë besojnë tek platforma Basha, dhe janë të gatshëm që ta rrëzojnë këtë të keqe që ka kapluar Shqipërinë.
Me liderin Basha, Shqipëria në Bashkimin Evropian shumë shpejt