Ditën e sotme rrjeti ka “zier” pas fotos së fundit që ka publikuar Loredana, ku shihet së bashku me një fëmijë në krahë, të cilën e ka bashkëngjitur me një emoji me dy fëmijë duke lënë të nënkuptohet se familja e tyre është shtuar me një anëtar të ri.
Ky postim i bëri lëmsh të gjithë, i cili më pas u publikua dhe nga Mozzik dhe pas këtij veprimi të gjithë ishin të bindur se çifti ishin bërë prindër për herë të dytë.
Por si qëndron e vërteta?
Burime pranë “Prive” kanë mësuar se këto foto janë realizuar nga xhirimet e videoklipit që do ta rikthejë çiftin përmes një dueti. Në qendër të këtij projekti muzikor do të jetë familja dhe për këtë arsye do të ilustrohet rrugëtimi i krijimit të saj. Duke qenë se janë realizuar pamjet nga videoklipi, duket se publikimi i këngës është shumë afër.
Mozzik dhe Loredana janë aktualisht një prej çifteve më të përfolura të showbiz-it shqiptar. Çifti ka dhe një vajzë të quajtur Hana, e cila ka mbushur plot 3 vite në dhjetor të vitit të kaluar.
Gjithashtu, Loredana e ka rritur të bijën e vetme që pas momentin që u nda nga këngëtari Mozzik. Nga postimet e muajve të fundit, u dallua qartazi që Loredana dhe Mozzik janë kthyer së bashku por që në asnjë moment ata nuk e kanë pranuar me gojën e tyre.
Çifti janë shfaqur pranë njëri – tjetrit me postimet e ndryshme nga Milano dhe Dubai, ku sigurisht nuk mungoi dhe vogëlushja tyre Hana.