Ndahet nga jeta në moshën 80-vjeçare aktori britanik, David Warner.
BBC raporton se Warner humbi jetën nga kanceri dhe se lajmi i hidhur u konfirmua nga familja e të ndjerit.
“Ai do të na mungojë jashtëzakonisht shumë. Të dashurit dhe miqtë e tij do ta kujtojnë si një person zemërmirë, bujar, partner dhe baba të dhembshur”, thuhet në mesazhin e botuar nga të afërmit e aktorit.
Warner ka lindur në Mançester, në vitin 1941. Prindërit e tij ishin të divorcuar. Fëmijërinë e tij, ai e përshkruante “të trazuar” dhe “të çrregullt”.
