Kryeministri Edi Rama thotë se vijojnë kontrollet në terren për të goditur rastet e prodhimit, importimit dhe tregtimit të qeseve njëpërdorimshme.
Në Facebook, kreu i qeverisë shkruan se “asnjë tolerim ndaj askujt që shkel ligjin duke vazhduar ende me prodhimin, importimin apo tregtimin e qeseve plastike njëpërdorimshme, tashmë kategorikisht të ndaluara.
“TASK FORCA vazhdon punën çdo ditë në terren për të kontrolluar subjektet që vazhdojnë avazin e vjetër kokëfortë të moszbatimit të ligjit”- tha Rama.
Vendimi për të hequr nga tregu qeset njëpërdorimshme, hyri në fuqi më 1 qershor të vitit të kaluar.