Homazhet për ish-presidentin Bujar Nishani, i cili u nda nga jeta dy ditë më parë, do të mbahen ditën e enjte, dhe do të zhvillohen te Pallati i Kongreseve në orën 10:00.
Trupi i pajetë pritet të mbërrijë në Shqipëri ditën e martë.
Ish-kryetari i shtetit ndërroi jetë ditën e shtunë në Spitalin Universitar të Berlinit Charite, ku u dërgua për mjekim më të specializuar, pasi shëndeti i tij u përkeqësua për shkak të insuficiencës polmonare të theksuar.
Largimi i parakohshëm nga jeta i Bujar Nishanit trishtoi jo vetëm të afërmit e tij, por edhe kundërshtarët politik brenda dhe jashtë Partisë Demokratike.