Një 61-vjeçar ka ndërruar jetë dy ditë më parë në një minierë në vendin e quajtur ‘Maja e Drenit’ në fshatin Cerujë të Klosit.
61-vjeçari me iniciale H. D., është gjetur pa ndjenja nga pnëtorët e tjerë të minierës rreth orës 11:30 në galerinë nr.5, e më pas ka ndërruar jetë.
Paraprakisht dyshohet se 61-vjeçari të ketë ndërruar jetë pas një arresti kardiak. Trupi i viktimës është dërguar në Institutin e Mjekësisë Ligjore, Tiranë, për kryerjen e ekspertizës mjeko-ligjore, ndërsa nga kqyrja paraprake, në trup nuk janë konstatuar shenja apo dëmtime që lidhen me incidente në punë.
“Ditën e djeshme është marrë informacion se, në një subjekt minerar, në vendin e quajtur “Maja e Drenit”, fshati Cerujë, Klos, ka ndërruar jetë shtetasi H. D., 61 vjeç, banues në Klos.
Nga kryerja e veprimeve të para hetimore ka rezultuar se më datë 03.10.2025, rreth orës 11:30, shtetasi në fjalë ka qenë duke punuar në galerinë nr. 5 të një subjekti minerar, ku është konstatuar nga punëtorët e tjerë pa ndjenja dhe më pas ka humbur jetën.
Nga këqyrja paraprake e trupit nuk janë konstatuar shenja apo dëmtime trupore që mund të lidhen me aksident gjatë punës, dhe paraprakisht dyshohet për arrest kardiak.
Trupi i 61-vjeçarit është dërguar në Institutin e Mjekësisë Ligjore, Tiranë, për kryerjen e ekspertizës mjeko-ligjore.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Dibër, për vlerësim të mëtejshëm”, njofton policia.