Policia e Lezhës, në bashkëpunim me Agjencinë e Mbikëqyrjes Policore Shkodër-Lezhë, ka ekzekutuar sot, 30 tetor, masat e sigurisë ndaj nëntë personave të dyshuar për përfshirje në një rast ndërtimi të paligjshëm në zonën turistike të Ranës së Hedhun.
Në bazë të vendimit të Gjykatës së Lezhës të datës 27 tetor 2025, janë ekzekutuar masat “arrest në burg”, “arrest në shtëpi”, “ndalim daljeje jashtë shtetit” dhe “pezullim nga detyra” për veprat penale “Shpërdorimi i detyrës”, “Ndërtimi i paligjshëm” dhe “Falsifikimi i dokumenteve”.
Mes të hetuarve janë ish-drejtues dhe ish-përgjegjës të AShK-së (Autoriteti i Shërbimeve të Kadastrës) dhe IKMT-së (Inspektorati Kombëtar i Mbrojtjes së Territorit) në Lezhë, si dhe një punonjës policie.
Materialet hetimore i janë referuar Prokurorisë së Lezhës për veprime të mëtejshme.
Masa e ekzekutuara nga Policia, si më poshtë
-P. T., 67 vjeç, banues në fshatin Shënkoll, u ekzekutua masa e sigurisë “Arrest në burg”, për veprat penale “Ndërtimi i paligjshëm” dhe “Falsifikim i vulave dhe stampave”;
-G. M., 34 vjeç, banues në Shëngjin, ish-drejtor i AShK, u ekzekutua masa e sigurisë “Arrest në shtëpi”, për veprën penale ”Shpërdorimi i detyrës”;
-A. Sh., 37 vjeç, banues në Lezhë, ish-përgjegjës për legalizimet i AshK, u ekzekutua masa e sigurisë “Arrest në shtëpi”, për veprën penale ”Shpërdorimi i detyrës”;
-A. M., 35 vjeç, banues në Lezhë, ish-përgjegjës për legalizimet i AshK, u ekzekutua masa e sigurisë “Arrest në shtëpi”, për veprën penale ”Shpërdorimi i detyrës”;
-L. B., 65 vjeçe, banuese në Tiranë, u ekzekutua masa e sigurisë “Arrest në shtëpi”, për veprën penale “Falsifikimi i dokumenteve”.
-H. Xh., 65 vjeç, banues në Elbasan, u ekzekutua masa e sigurisë “Arrest në shtëpi”, për veprën penale “Falsifikim i dokumenteve”.
-K. M., 66 vjeç, banues në Tiranë, ish-Drejtor i Drejtorisë Rajonale të IKMT, u ekzekutua masa e sigurisë “Ndalimi për të dalë jashtë shtetit”, për veprën penale “Shpërdorimi i detyrës”;
-F. Gj., 41 vjeç, banues në Lezhë, ish-Drejtor i Drejtorisë Rajonale të IKMT, u ekzekutua masa e sigurisë “Ndalimi për të dalë jashtë shtetit”, për veprën penale “Shpërdorimi i detyrës”;
-M. N., 50 vjeç, banues në Lezhë, me detyrë Ndihmësspecialist i Policimit në Komunitet, u ekzekutuan masat e sigurisë “Ndalimi për të dalë jashtë shtetit” dhe “Pezullimi i ushtrimit të detyrës publike”, për veprat penale “Shpërdorimi i detyrës” dhe “Moskallëzimi i krimit”.