Një transplant rekord është realizuar në Poliklinikën e Milanos në Itali në mes të një pandemie, transplant i cili ishte realizuar më parë vetëm në Kinë, ku filloi përhapja e koronavirusit. Operacioni shpëtoi jetën e një djali 18-vjeçar, i cili ishte i prekur me koronavirus, mushkritë e të ciltit ishin shkatërruar nga infeksioni.

Kjo është hera e parë në Europë për një operacion të këtij lloji gjatë emergjencës së koronavirusit, së bashku me një ndërhyrje të ngjashme në të njëjtat ditë në Austri. Covid-19 kishte ndryshuar jetën e të riut.

Edhe pse Francesco, ishte i ri dhe i shëndetshëm, virusi e infektoi atë dhe dëmtoi në mënyrë të pariparueshme mushkëritë e tij, duke ‘djegur’ gjithë aftësinë për të marrë frymë normalisht.

Historia e Francesco-s nis në fillim të marsit

Më 2 mars ai filloi të ketë ethe, epidemia e Sars-Cov-2 në Lombardi kishte disa javë që kishte shpërthyer.  Më 6 mars, ai u shtrua në spital në kujdesin intensiv të kryer në strukturën shtrënguese të Spitalit San Raffaele IRCCS në Milano për shkak të përkeqësimit të gjendjes së tij, dhe vetëm dy ditë më vonë ai duhej të intubohej .

Gjendja e djalit nuk përmirësohet përkundër ventilimit të asistuar të frymëmarrësit. Më pas i riu përfshihet në listën kombëtare të pacientëve me nevojë për transplant.

“Të jesh në gjendje të realizosh një operacion të tillë duket një mrekulli, në mes të një pandemie” tha  presidenti i rajonit të Lombardisë Attilio Fontana.