Sekretari i Përgjithshëm i Ministrisë së Mjedisit është i mendimit se opozita nuk mund t’i djegë mandatet pasi ato nuk janë “pronë” e tyre, por e qytetarëve që i kanë votuar. Sipas Plarent ndrecës partitë politike po i marrin popullit edhe sovranitetin.
Postimi i plotë:
Populli e ushtron sovranitetin e tij nëpërmjet përfaqësuesve të tij ose
drejtpërsëdrejti…”.
Të digjen mandatet?!!
Po si mund të digjet një mandat që nuk është i yti?!!
Mandati nuk digjet, ai është i popullit, veç mund të heqësh dorë individualisht
prej ushtrimit të tij.
Të heqësh dorë kolektivisht nga ushtrimi i një
përgjegjësie individuale kushtetuese, do të thotë, jo vetëm shkelje e rëndë
kushtetuese, por edhe cënim i mundësisë së popullit për të ushtruar plotësisht
pushtetin e tij.
Tashmë partitë politike po tentojnë ti marrin popullit jo thjesht
përfaqësimin, por edhe sovranitetin.
Neni 2 i Kushtetutës së Republikës së Shqipërisë,
përcakton:
“Sovraniteti në Republikën e Shqipërisë i përket popullit.
Populli e ushtron sovranitetin e tij nëpërmjet përfaqësuesve të tij ose
drejtpërsëdrejti…”.