Kryetarja e Komisionit Hetimor për Sterilizimin dhe Check-Up, deputetja e PD-së Albana Vokshi është përplasur me deputetin e PS, Plarent Ndreca, ku pjesë e debatit u bë edhe Ilda Dhori.
Dhori: Beqaj është në liri, doni ta ftoni brenda, por është në kushte komode. I bëtë pritje madhështore, është më mirë se në ambientet e burgut. Të tillë si Beqaj janë vegla në dorën e Ramës, janë të përdorur prej tij, ai është koka. Duhet të vijë të dëshmojë. Vila Nushin vazhdon ta mbrojë deri në fund.
Vokshi: O Edona të dëgjuam një orë, respekto kolegët.
Dhori: Qëllimi i këtij komisioni nuk mund të arrihet pa ardhur Rama dhe Nushi, duhet të jenë këtu dhe të japin dëshminë e tyre para komisionit për taksat dhe shëndetësinë që marrin sot shqiptarët. Atë nënqeshjen për orët e fundit të këtij komisioni mos krijoni iluzioni se do jetë ky fundi i këtij komisioni. Të vazhdojmë me seriozitet, është domosdoshmëri thirrja e këtyre dëshmitarëve.
Vokshi: Një foto e Ramës kërcyet gjithë përpjetë, përmbahuni, një foto ishte…
Ndreca: Doli skenari i opozitës, po bllokoni dëshminë e Beqajt, po kushtëzoni hyrjen e tij që ka 29 orë që pret, për dëshmitarë të pamiratuar në këtë komision që nuk janë në rend dite.
Vokshi: E ka merituar Gjykata Kushtetuese.
Ndreca: Si ka merituar njeri, doni të bëni pjesën tuaj politike.
Vokshi: Ju ka ikur situata nga duart dje, nuk e rregulloni dot.
Ndreca: E kemi nën kontroll, qëllimi jonë është të flasë zoti Beqaj, ju bëni përralla me mbret.
Vokshi: Po si se lejove ti aman, shokun tat e solle me pranga.
Ndreca: Nuk e kam shok, pavarësisht se mund të jetë mik i mirë, unë nuk e kam shok, jo se nuk është për t’u pasur shok, por se kam. Ti mund ta kesh se merresh vetëm me atë. Doni ta vini në litar se nuk i përballoni argumentet e tij.
Vokshi: Me hunj e drunj e latë të futej.
Ndreca: Ju po e pengoni.
Vokshi: Po mos bërtit mo, ça pate të bërtiti Rama?