Ish-portieri i Real Madrid, Iker Casillas, ka mohuar pretendimet se ai është në një lidhje me Shakirën.
Pas ndarjes së bujshme të këngëtares nga mbrojtësi i Barcelonës, Gerard Pique, nuk kanë munguar thashethemet se mes Shakirës dhe Casillas ka nisur një romancë.
41-vjeçari ndjek Shakirën në Instagram, veprim që kishte nxitur spekulime mbi natyrën e marrëdhënies së tyre, por Casillas ka shfrytëzuar platformën e rrjeteve sociale për të hedhur poshtë thashethemet.
Ish-portieri postoi në “Instagram” disa artikuj që aludonin mbi lidhjen e tij të re dhe në fund postoi një emoji, përmes së cilës tregonte se është i befasuar nga publikimi i lajmeve të rreme.