Neglizhenca e një pjese të deputetëve për të marrë pjesë nëpër komisione parlamentare ose mbingarkesa e pjesës tjetër duke u regjistruar në dy ose më shumë komisione, ka shkaktuar probleme në funksionimin e parlamentit.
Burime për tirananews bëjnë me dije se në mbledhjen e Konferencës së Kryetarëve të 17 shkurtit është ngritur pikërisht ky shqetësim.
Teksa po diskutonin kërkesën për ngritjen e nënkomisionit “Për zhvillim të qëndrueshëm” në brendësi të komisionit të përhershëm parlamentar për Ekonominë dhe Financat, deputetja Hysi ka thënë se në bazë të Rregullores së Kuvendit objektivat e zhvillimit të qëndrueshëm janë pjesë e çdo komisioni përkatës.
Por edhe pse parimisht kreu i grupit parlamentar socialist ka qenë dakord me deputeten Hysi, në praktikë Taulant Balla ka shprehur rezerva duke thënë se kjo është e pamundur.
Për më tepër ndiqni debatin e plotë:
