Një nënë në kontenë Harris, në Teksas e la djalin e saj 5-vjeçar në një makinë për “disa orë” duke i shkaktuar vdekjen, teksa po bëhej gati për festën e ditëlindjes të vajzës më të madhe.
Thomas M. Gilliland, zëvendës i lartë në Zyrën e Sherifit të Qarkut Harris, tha se fëmija u shpall i vdekur në rrugën përballë banesës së familjes, pas mbërritjes së Shërbimeve Mjekësore të Urgjencës. Emrat e fëmijës dhe nënës së tij nuk janë bërë ende të ditur. Gilliland gjithashtu nuk tha nëse nëna mund të përballet me akuza.
“Hetuesit e vrasjeve dhe krimeve të fëmijëve u njoftuan dhe u përgjigjën në vendngjarje. Rasti është ende i hapur dhe aktiv, hetuesit pritet të takohen në Zyrën e Prokurorit të Qarkut Harris për të paraqitur gjetjet e tyre të hetimit”, tha Gilliland.
Sherifi i policisë së qarkut Ed Gonzelz tha se përpara se të ndërronte jetë 5-vjeçari, shkoi në dyqan me nënën e tij për t’u përgatitur për festën e ditëlindjes së motrës së tij 8-vjeçare. Kur u kthyen në shtëpinë e tyre, nëna dhe vajza e saj dolën nga automjeti, por djali thuhet se mbeti brenda makinës ku dyshohet se ndërroi jetë prej temperaturave të larta.
E hëna ishte dita më e nxehtë e vitit në zonën e Hjustonit deri më tani, me maksimum rekord prej 39 gradë celcius.
Fëmijët përballen me një rrezik më të lartë të vdekjes nga goditja e nxehtësisë sesa të rriturit pjesërisht sepse temperatura e tyre rritet tre deri në pesë herë më shpejt se e një të rrituri, sipas të dhënava nga Departamenti i Shërbimeve Shëndetësore në teksas.
Departamenti i konsideron 41 gradë një “temperaturë vdekjeprurëse bërthamore”, çka mund të jetë dhe shkaku i vdekjes së vogëlushit 5-vjeçar.