Në kuadër të përvjetorit të anëtarësimi të Shqipërisë në NATO do të mbahen një sërë aktivitetesh në Tiranë. Në qiellin e kryeqytetit do të ketë edhe një paradë fluturimi të avionëve të NATO-s.
Viti
2019 përkon me 10 vjetorin e anëtarësimit të vendit tonë në NATO, më 1 Prill
2009. Në kuadër të këtij përvjetori, do organizohen një sërë aktivitetesh të
nivelit të lartë, seminare rajonale dhe NATO, stërvitje kombëtare/rajonale dhe
të përbashkëta me NATO, të gjitha nën kujdesin e Ministrisë së Mbrojtjes.
Së fundmi edhe kryeministri Rama ka publikuar një video në faqen e tij zyrtare
të Facebook-ut ku përmblidhen disa nga bashkpunimet dhe kontributet e
Shqipërisë në NATO, si dhe një thirrje për qytetarët që ti bashkohen festës së
ditës së nesërme.
Përgatitjet për këto aktivitete kanë filluar që prej ditës së sotme. Në sheshin “Nënë Tereza’’ dhe bulevardin “Dëshmorët e Kombit” do ketë rreshtim trupash me mbi 2500 ushtarakë shqiptarë, flamurtarë të huaj, mbi 100 mjete ushtarake luftimi dhe helikopterë. Në këtë aktivitet parashikohen të marrin pjesë mbi 150 pjesëmarrës nga Ministra e Mbrojtjes, shefa shtabesh, gjeneralë të vendeve anëtare dhe të komandave të NATO-s, ambasadorë dhe atashe ushtarakë të akredituar në vendin tone, parlamentarë dhe flamurtarë të vendeve të ndryshme. Gjithashtu do të ketë një paradë fluturimi të avionëve të NATO mbi Tiranë.