Gjykata e Posaçme kundër Korrupsionit dhe Krimit të Organizuar do të zhvillojë nesër në orën 13:30 seancën gjyqësore të verifikimit të masës së sigurisë për dhëndrin e Sali Berishës, Jamarbër Malltezi dhe biznesmenin Fatmir Bektashi në lidhje me aferën e ish-kompleksit Partizani.
Për Berishën, GJKKO nuk ka ende një orar zyrtar se kur do t’i komunikohet “detyrimi i paraqitjes”.
Malltezi u arrestua me urdhër të SPAK një ditë më parë në Rinas, teksa priste bashkëshorten nga një udhëtim në vendet e BE.
Malltezi akuzohet për korrupsion pasiv dhe pastrim të produkteve të veprës penale, ose veprimtari kriminale për çështjen e privatizimit të ish-kompleksit Partizani.
Në lidhje me këtë çështje, akuza janë ngritur edhe ndaj ish-kryeministrit Sali Berisha, ndaj të cilit është caktuar masa e detyrimit të paraqitjes, por edhe ndalim i udhëtimit jashtë vendit.