Vendi kaloi një ditë tjetër të ftohtë me dëborë në
zonat malore e ato kodrinore si dhe me reshje shiu në zonat e ulëta e bregdet.
Temperaturat në mëngjes u luhatën nga -4 °C në Peshkopi deri 5°C në Sarandë.
Mesditën e sotme nisi përmirësimi i kushteve meteorologjike, pasi reshjet u
kthyen lokale dhe me intensitet të ulët. Ky përmirësim do të jetë më i dukshëm
ditën e nesërme, ku prej orëve të mëngjesit do të ketë mot me diell në të
gjithë vendin.
Problem pritet të mbeten temperaturat në rënie të ndjeshme, të cilat në zonat
malore nuk do të dalin nga vlerat negative. Kjo do të sjellë premisa për ngica
të forta në këto zona dhe nuk do të lejojnë shkrirjen e kësaj sasie bore të
rënë deri tani.
Temperaturat parashikohen:
në zonat malore -9° deri -2°C
në zonat e ulëta -4° deri 8°C
në zonat bregdetare -1° deri 9°C
Add A Comment