Kryeministri i Izraelit, Benjamin Netanyahu ka hedhur poshtë çdo thirrje për një armëpushim ose ndërprerje të armiqësive me Hamasin.
“Izraeli nuk do të pajtohet me një ndërprerje të armiqësive…thirrjet për një armëpushim janë thirrje për Izraelin që t’i dorëzohet Hamasit, t’i dorëzohet terrorizmit, t’i dorëzohet barbarizmit. Kjo nuk do të ndodhë.”
“Një luftë për të ardhmen tonë të përbashkët. Sot ne vendosim një vijë midis forcave të qytetërimit dhe forcave të barbarisë”, shtoi ai.
Ushtria izraelite deklaroi se ka vazhduar operacionet e saj tokësore në Rripin e Gazës, gjatë orëve të fundit. Izraeli pretendon se ka shkatërruar infrastrukturën e Hamasit, duke përfshirë pozicionet antitank dhe ato të lëshimit.