Katër minorenë janë arrestuar këtë të mërkurë nga Policia e Elbasanit, pasi janë të akuzuar për vrasjen e Fatjon Bicit 16-vjeç dhe plagosjen e kushëririt të tij Marko Liçi 15 vjeç pranë shkollës 9-vjeçare “Asllan Shahini” në Gramsh. Gazetarja Anduena Llabani, thotë se gjithçka nisi pas një konflikti verbal në rrjete sociale.
“Ka një akuzë tashmë të ngritur ndaj katër të rinjve, që është vrasje në bashkëpunim në rrethana cilësuese, për arsye se ka detaje të reja që kanë dalur nga ngjarja. Të katër personazhet minoren, të vënë në akuzë, tashmë janë edhe për mbajte e armëve te ftohta, sepse kanë pranuar në Prokurori se e gjitha nisi në tok-tok, nga një person i tretë që është konfliktuar më grupin, për tu kthyer më pas te grupi deri te kjo ngjarje tragjike. Një minoret e godet mu në zemër, duke kryer një vrasje me fatalitet, kjo është e tmerrshme. Do dal se kush është llogaridhënia që duhet të ketë shkolla dhe kontaktet që ka policia ose oficeri me drejtues të shkollës dhe institucionet e shkollës. Problemi është se sa është aktuale psikologu në shkollat tona sot, sa është vendimmarrës është ai për të parë këto element precedent që mund të shkaktojë ngjarje të tilla”,-tha në “MCN TV”.
Nga ana tjetër, Llabani tha se rastet e tilla janë alarmante për faktin se shifrat e vdekjeve nga konfliktet me mjete të ftohta në mesin e adoleshentëve, janë në rritje e sipër. Që nga janari deri tanë, janë numëruar 10 vdekje nga përleshjet me thikë në mesin e minorenëve.