Shumë austriakë janë skeptike në lidhje me vaksinat. “Incidenca tek njerëzit e vaksinuar është në rënie, por vazhdon të rritet në mënyrë eksponenciale për njerëzit që nuk janë vaksinuar”, u tha Schallenberg gazetarëve.
Aktualisht, incidenca për personat e pavaksinuar në grupmoshën 18-59 vjeç është mbi 1700 persona. Evropa është bërë sërish epiqendra e pandemisë COVID-19, duke bërë që disa qeveri të konsiderojnë ri-imponimin e bllokimeve jopopullore.
Afërsisht 65% e popullsisë së Austrisë është plotësisht e vaksinuar kundër COVID-19, e cila është një nga normat më të ulëta në Evropën Perëndimore. Shumë austriakë janë skeptikë në lidhje me vaksinat, një pikëpamje e inkurajuar nga Partia e Lirisë së ekstremit të djathtë, e treta më e madhe në parlament.
Shtetasit e moshës 12 vjeç e poshtë do të përjashtohen nga bllokimi, sipas të cilit të pavaksinuarit mund të largohen nga shtëpitë e tyre vetëm për një numër të kufizuar arsyesh si shkuarja në punë ose blerja e gjërave thelbësore.
Shumë zyrtarë, duke përfshirë partinë konservatore të Schallenberg dhe policinë, kanë shprehur dyshime se një bllokim i tillë mund të zbatohet siç duhet pasi zbatohet vetëm për një pjesë të popullsisë. Schallenberg dhe ministri i Brendshëm Karl Nehammer thanë megjithatë se do të ketë kontrolle të plota nga policia.