Ish-Presidenti Bujar Nishani ka folur për situatën në PD dhe faktin si po vepron kreu aktual, Lulzim Basha.
Nishani tha se Basha shfrytëzoi partinë për interesa personale dhe shtoi se ai (Lulzim Basha) nuk ka kompetenca të flasë në emër të PD-së, sepse është shkarkuar me votën e delegatëve.
“Basha ka përdorur Partinë Demokratike për qëllimet e tij personale. Ai ka kryer akte dhe veprimtari në thyerje të ligjit. Kur drejtësia të mos jetë në dorë të Ramës, që është tutor i gjykatave në vend, besoj se do ketë drejtësi të vërtetë.
Është turp që Rama krahason Shqipërinë me Kosovën, për shkak se Kosova ka probleme me energjinë. Mos harrojmë se Kosova tani është bërë shtet dhe se burimet e Kosovës janë më të pakta se të Shqipërisë.
Rama duhet të thoshte para shqiptarëve se ku është vendi ynë në raport me Kroacinë apo Greqinë. Situata në vend vazhdon të jetë e rëndë dhe shqiptarët nuk kanë shpresë për të ardhme më të mirë. Shqipëria është kthyer në vend migrator e po shkon drejt plakjes, ka degraduar gjendja”, deklaroi Nishani.