Komuna e Barit ka filluar një nismë e pazakontë për gjithë ata që zgjedhin të shkojnë në punë apo në shkollë me biçikletë. Kështu, ata do të paguhen 25 euro në muaj, nëse lëvizin me dyrrotak. Nën mbështetjen e ministrisë së Mjedisit, komuna do të ndihmojë edhe për blerjen e mjeteve me dy rrota, duke dhënë 150 euro për biçikletën tradicionale dhe 250 për atë elektrike.
Ndërkohë për çiklistët më të zotë, ose thënë ndryshe ata që përshkojnë numrin më të madh të kilometrave, parashikohet një bonus shtesë në vlerë 50 euro për ata që përdorin biçikletën tradicionale dhe 100 euro, për gjithë ata që përdorin biçikletën elektrike.
Ky projekt do të zgjasë katër muaj.
“Viti i Ri nis me një dhuratë për gjithë të pasionuarit pas biçikletës”, shkroi në Facebook, kryebashkiaku i Barit, Antonio Decaro, duke publikuar edhe detajet e kësaj nisme.