Ju jep përshtypjen se jeni duke fjetur nën yje, por jo nuk bëhet fjalë për kamping. Ka një dekor elegant dhe pajisje moderne por nuk konsiderohet fiks një hotel. Ky është Loft, në thelb një dhomë e levizshme ku mund të udhëtoni me të kudo që dëshironi.
“Loft”, është krijimi i fundit i grupit francez Accor Hotels që e çon udhëtimin në një nivel tjetër, duke siguruar autonomi, rehati dhe fleksibilitet në mënyrën më të mirë të mundshme.
“Eshtë një zgjidhje që mund të përdoret për çdo lloj udhëtimi, veçanërisht për ngjarjet sportive ose festivale të ndryshme muzikore, ku hotelet nuk kanë disponueshmëri.”-tha një zëdhënës i Accor.
Dhoma e levizshme e hotelit “Loft” mund të strehojë deri në 6 persona, brenda saj përfshihen salloni, dhoma e gjumit, kuzhina dhe banjoja plus një verandë e vogël që “rrokulliset”.
Kjo dhomë e veçantë hoteli, është gati të dalë në treg muajt e ardhshëm dhe duket se do të sjellë revolucion në udhëtim.
