Pas vendimit se Sali Berisha ishte përjashtuar nga Grupi Parlamentar i PD, bërë publik nga Lulzim Basha pa asnjë lloj vendimi nga strukturat e partisë duket se reagimi ka qenë mjaft i fortë.
Në këtë çështje, pati presion të madh nga SHBA. Këtë e ka konfirmuar edhe deputeti i PD-së Belind Këlliçi. Ai ka zbuluar për herë të parë se një grup deputetësh të PD janë thirrur në ambasadën amerikane.
“Një grup deputetësh të PD janë thirrur në ambasadën amerikane. Nuk mund ta them për çfarë kemi folur pasi është konfidenciale, por jemi pyetur në lidhje me çfarë mendojmë për këtë çështje. Mesa duket, kanë patur qëllim të krijojnë një tip “poll-i” se çfarë mendojnë deputetët për çështjen e Berishës”, tha Këlliçi në “Open”.