Interi do të presë në fundjavë Juventusin për javën e shtatë të Serisë A italiane, aty ku me interes pritet debutimi i Kontes në derbi, përballë ish-skuadrës së tij. Zikaltërit po bëjnë shumë mirë deri më tani dhe kanë arritur të marrin 6 fitore në 6 ndeshjet e para, teksa Juventusi është ndalur në një barazim.
Takimi do të zhvillohet në një stadium të tejmbushur, aty ku në “San Siro” do të ketë rreth 76 mijë tifozë. Deri më tani, janë shitur 72 mijë bileta dhe mediat italiane raportojnë se deri në orët e mbrëmjes do të jenë shitur të gjitha dhe zyrtarisht do të jetë “Sold Out”.
E vetmja pjesë e tribunës që nuk do të mbushet, është unaza e tretë aty ku rreth 2500 bileta nuk do të shiten duke qenë se ka vibrime të tepërta dhe mos-shitja e tyre bëhet për shkaqe sigurie. Kjo është hera e parë për këtë sezon që do të ketë “Sold Out”, teksa në derbin Milan-Inter, vendasit nuk i kishin shitur të gjitha biletat.