Një person i paidentifikuar ka qëlluar me armë zjarri drejt disa fëmijëve pasditen e kësaj të hëne në lagjen “Qemal Stafa” në Shkodër.
Personi, i cili lëvizte me biçikletë, u afrua pranë vendit ku po rrinin fëmijët dhe më pas filloi të qëllonte me pistoletë në drejtim të tyre.
Fatmirësisht, asnjë nga fëmijët nuk është lënduar.
Si pasojë e plumbave, policia njofton se është dëmtuar vetrata e një lokali aty pranë.
Nga veprimet paraprake hetimore të kryera nga grupi hetimor, në vendngjarje është gjetur një gëzhojë.