Partia e kryeministrit grek, Kyriakos Mitsotakis ka marrë një përqindje historike në zgjedhjet e së dielës, duke marrë edhe “kështjellat” që ishin të destinuara të binin. Në këto zgjedhje ranë të gjitha kështjellat historike, si ajo e Kretës që nga viti 1974, me përjashtim të Rodopit që po mbahet nga SYRIZA.
Partia Demokracia e Re renditet e para në zgjedhjet parlamentare në Greqi me rreth 41 për qind të votave. Partia e majtë Syriza rreth 20 për qind , kurse partia social-demokrate Pasok doli në vendin e tretë me 12 përqind të mirë. Pragun prej tre për qind e kaluan edhe komunistët që fituan më shumë se gjashtë për qind të votave si dhe partia populiste e djathtë Elliniki Lysi që fitoi mbi katër për qind.
Rezultati përfaqëson një triumf të jashtëzakonshëm për Mitsotakis, administrata e të cilit duhej të kalonte nëpër sfida si një skandal përgjimi, pandemia e Covid-19, një krizë e ekonomike dhe një aksident tragjik hekurudhor në muajin shkurt që shkaktoi zemërim publik.