Shumëkush nga ne e ka menduar të paktën një herë gjatë këtij viti pandemik, nëse simptomat që kemi pasur kanë qenë Covid-19 apo grip. Është pikërisht kjo arsyeja që bëhem çdo ditë mijëra teste të shpejta dhe tampon te njerëz me simptoma dhe prej tyre dalin me covid vetëm diku te 3 a 4 për qind. Pjesa tjetër janë të gjithë me grip.
Për të qartësuar këtë dilemë që vazhdon, një test diagnostik u zhvillua nga studiuesit në një universitet amerikan.
Testi mund të dallojë me saktësi të lartë se cili është i sëmurë nga Covid-19 dhe se cili prej gripit edhe pse koronavirusi i ri SARS-cov-2 dhe gripi kanë simptoma të ngjashme.
Studiuesit në UC Santa Cruz, kanë zhvilluar një test të përbashkët diagnostikues për të dy sëmundjet dhe thonë se kanë arritur të zgjidhin problemin.
Funksioni i testit të ri bazohet në kërkimin e antigjeneve të dy viruseve. Kjo praktikisht do të thotë që testi kërkon proteina në sipërfaqen e koronavirusit dhe gripit, të cilat janë të ndryshme nga njëra-tjetra dhe tipike për secilin virus veç e veç.
Rezultatet e testit janë inkurajuese, pasi u zbulua se mund të dallojë me saktësi jashtëzakonisht të lartë nëse pacienti ka Covid-19 apo grip. Shkencëtarët njoftuan se në muajt e vjeshtës ky test do të dalë në treg dhe mund të bëhet individualisht pa nevojën e ekipeve testuese.