I ftuar në “Milori Live” në Klan News, sekretari i Përgjithshëm i PD-së, Flamur Noka ka shprehur dhimbjen dhe pikëllimin që ndjen për situatën e Partisë Demokratike teksa ka thënë se logoja e kësaj partie është e marrë peng nga kryeministri Rama.
Flamur Noka: Nuk ka dhimbje më të madhe, pikëllim më të madh për ne që kemi një jetë në këtë parti të shohim se si rrëmbehet sigla, logoja, flamuri i PD-së dhe mbahet peng nga “Alibasha-brava” më urdhër të Edi Ramës, pra mbahet peng nga Edi Rama. Mendoni ju që demokratët i votuan që të ata të shkonin pastaj në çadrën peng. Ata u votuan si kundërshtarë të regjimit, këtë nuk e bëjnë dot demokratët. Rama po tenton të kthejë logon tonë, këtë nuk ka demokrat në Shqipëri që e pranon.
Gjatë fjalës së tij, Noka iu ka bërë thirrje të gjithë deputetëve demokratë që të ju bashkohen.
Flamur Noka: Ne jemi të hapur për të gjithë demokratët e tjerë të PD-së. Është momenti që t’i bëjnë thirrje ndërgjegjes dhe të rikthehen tek demokratët e vërtetë. I vetmi vend ku ka patur probleme PD ka qenë dhe mbetet grupi parlamentar. PD ka një kryetar që është Sali Berisha. Grupi parlamentar ka 2 personazhe që janë bërë qesharakë dhe grotesk që kanë një mision të rëndë për të përçarë dhe kërkojnë të marrin parti. Ne do të ecim përpara sepse kemi detyrim ndaj demokratëve që na kanë votuar. Ata duan të rrëzojnë kukullat e regjimit të emëruara në bashki.