Moderatorja Armina Mevlani, në emisionin “Goca dhe Gra” mbrëmë, teksa po diskutohej tema “partneri im është çun mamaje”, nuk hezitoi t’iu japë një këshillë vajzave, duke sugjeruar që të qëndrojnë larg kësaj kategorie.
“Ik nga çunat e mamit, sepse është skandal që burri të vazhdojë të jetë çun mami”, u shpreh Armina.
Në mesazhin e ndjekëses që u ankua për partnerin se është “çun mamaje” thuhej gjithashtu se e ëma e tij vinte në shtëpinë e tyre për të bërë punët. Mevlani e konsideroi këtë veprim si një shkelje të privatësisë dhe mosrespekt ndaj vjehrrave.
“Nuk është normale, se ideja është pse duhet të vijë vjehrra të të bëjë punët. Pse duhet të vijë ta bëjë, është privatësi. Ti ke sirtarët e tu, pse duhet të hyjë në intimitet një nga prindërit. Prishet intimiteti, se ti ke ndërresat, ke shtëpinë tënde. Pse duhet të vijë vjehrra të të bëjë punët. As mami im nuk ka pse të vijë. Nuk është pastruese. Do ndjehesha keq ta bënte.”