Një fermer shqiptar kanabisi është këshilluar nga një gjykatës që t’i thotë çdo bashkatdhetari që mendon të hyjë në mënyrë të paligjshme në Mbretërinë e Bashkuar se ka të ngjarë të përfundojnë në borxh dhe të shfrytëzuar nga bandat kriminale.
Mahmut Selimaj emigroi në Britani në mënyrë të paligjshme duke menduar se do të mund të punonte shumë dhe të merrte një pagë të mirë. Por ai përfundoi në borxh ndaj atyre që e trafikuan në mënyrë klandestine në Britani. Gjykata dëgjoi se 26-vjeçari kishte hyrë ilegalisht në Mbretërinë e Bashkuar. Ai bëri një kërkesë për azil në vitin 2022, por pas një mosrespektimi të procesit të azilit kërkesa u tërhoq.
Selimaj u deklarua fajtor për prodhimin e kanabisit dhe u dënua me gjashtë muaj burg. Në fund gjykatësi ka patur dhe një këshillë për të riun shqiptar. “Shpresoj që rikthimi juaj shumë i shpejtë në Shqipëri t’ju japë gjithashtu mundësinë t’u tregoni të tjerëve në vendin tuaj se udhëtimi në Mbretërinë e Bashkuar në mënyrë të paligjshme ka të ngjarë të çojë jo vetëm në borxhe të konsiderueshme ndaj bandave kriminale, por edhe në shfrytëzimin e tyre në të njëjtën mënyrë siç u shfrytëzuat ju. Ndaj këshillohet shumë më mirë të mos përpiqeni të vini këtu në radhë të parë”.