Ministri i Drejtësisë, Ulsi Manja thotë se Amnistia Penale është e cunguar pasi 95 përqind e veprave penale të parashikuara në Kodin Penal nuk parashikohen. Akuzave të opozitës për faljen e të korrupturave, Manja tha se përfitojnë veç 3 punonjës policie të dënuar në pikën kufitare të Morinës.
“Iliri është i martuar, ka 7 fëmijë, pasi ka shlyer dënimin është punësuar në shërbimin e provës si mirëmbajtës. I është kthyer jetës së rregullt. Do bëjmë cmos për shkollimin e fëmijëve. Meqë jemi tek amnistia, një nga parimet kryesore është humanizmi dhe riintegrimi në shoqëri. Për ata që si Iliri kanë vuajtur 2/3 e dënimit. U bënë bashkë e thanë: O burra të shpëtojmë Republikën. Amnisti e cunguar. 95 përqind e veprave të kodit Penal janë të përjashtuara. Askush prej nesh nuk ka qëllim të amnistojë asnjë persona të dënuar nga GJKKO”.
Lexo edhe :
84 vota duhen në Kuvend për të votuar Amnistinë Penale, ku maxhoranca ka 77 vota, PS ka 74 deputetë dhe me tre votat e PSD-së. Dje kreu i PDIU-së, Shpëtim Idrizi tha se do ta votojnë, dhe ata kanë 3 vota dhe shkon në 80 vota. Duhen edhe 4 deputetë nga radhët e PD. Manja tha se janë gati që të ulen me opozitën dhe të rishikojnë këtë amendament.
“Sa vota keni? Do e fusim në parlament kur deputetët e opozitës të jenë në sallën e parlamentit dhe do jenë ata që do e kërkojnë futjen në rend dite. Ne e kemi bërë detyrën tonë, kemi depozituar ligjin ka tre muaj. Tani është në seancë plenare, kur të bëhen gati. Do të kërkoja dhe dëshiroja që ky ligj të marrë votat e gjithë deputetëve të kuvendit. Jemi të gatshëm të ulemi për këtë amendament”, tha Manja