Analisti Andi Bushati ka debatuar me zv.ministrin Besart Kadia për skandalin e pagave, duke thënë se është ‘rrjedhje e qeverisë”. Ai tha gjithashtu se ky skandal ka nisur që nga lista e patronazhistëve.
I pyetur nëse qeveria ka përgjegjësi në këtë skandal, Kadia nuk dha një përgjigje të drejtpërdrejtë, gjë që solli debate dhe ofendime me Bushatin.
Gjatë diskutimit nuk kanë munguar tonet e larta dhe komentet për pagat, por dhe për shkrimet në media.
Pjesë nga debati
Andi Bushati: O ditëzi, e fitove rrogën.
Besart Kadia: Po bën shantazh, po bën shantazh me një informacion që nuk është ligjor…
Eni Vasili: Po çfarë interesi ka Bushati të më bëjë mua shantazh se di rrogën time?
Andi Bushati: E qetësova sahanlëpirësin.
Eni Vasili: T’i lëmë këto tani, t’i lëmë këto e të vazhdojmë.
Besart Kadia: Mbaji pak ato fjalë, sepse edhe unë e kam fjalorin më të zhvilluar se tëndin.
Andi Bushati: Shtrëngohu pas karriges o ditëzi, o ditëzi, shtrëngohu.
Besart Kadia: Në rast se ty të janë vjedhur të dhënat, këtu s’ka vjedhje nga shteti. Në rast se del një e dhënë dhe ti si media e nxjerr dhe e publikon, më lind ideja që ti bën shantazh.
Eni Vasili: Cila media?
Besart Kadia: ‘Lapsi’ që ka nxjerrë dhe rrogën tënde.
Eni Vasili: E ke bërë Bushat?
Andi Bushati: Unë e kam bërë?
Eni Vasili: Unë të jap llogari për median ku jam vetë, mos e devijo bisedën.
Besart Kadia: Po unë e di rrogën tënde tani.
Eni Vasili: Po unë s’e kam problem, s’e kam problem.