Nënkryetari dhe deputeti i Partisë Demokratike, Oerd Bylykbashi, tha se Garda e Republikës ushtroi dhunë fizike ndaj deputetëve që tentuan që të futen në seancën plenare, kjo sipas tij vetëm për të mos lejuar që ata të kërkonin llogari ndaj kryeministrit Edi Rama për përfshirjen në çështjen “McGonigal”.
“Ne përfaqësojmë të gjithë së bashkë më shumë se 750 mijë zgjedhës. T’i kërkojmë llogari Edi Ramës për këtë skandal. Ai vendim i mëparshëm që na përjshtoi deputetët, të anulohet si anti-kushtetues dhe I paligjshëm për shkeljen e të drejtave të deputetëve. Ligji I siguron çdo deputeti të marrë pjesë në mbledhjen e Byrosë.
Pastaj pas dëgjesave me ne të merret një vendim. Ju e patë sesi Garda ushtroi dhunë fizike ndaj deputetëve për të mos lejuar që të kërkonim llogari ndaj kryeministrit. Nuk është hera e parë kjo”, u shpreh Bylykbashi para Parlamentit.