Në fillim të seancës plenare kreu i grupit parlamentar të PD Gazment Bardhi kërkoi qe Sali Berisha të jetë pjesë e grupit parlamentar të Partisë Demokratike.
Mësohet se Bardhi ka sjellë një kërkesë të re për kthimin e Berishës në grup.
Por kryetarja e Kuvendit Nikolla deklaroi se Berisha është përjashtuar nga grupi dhe nuk e pranoi kërkesën e grupit të PD.
Por Lindita Nikolla pranoi kërkesën e Gazment Bardhit për shkarkimin e Lulzim Bashës dhe mbështetësve të tij nga komisionet parlamentare dhe delegacionet.
Nga sot Lulzim Basha nuk do të jetë më pjesë e delegacionit në Këshillin e Europës.
Enkelejd Alibeaj nuk do të jetë më në Këshillin e Rregullorës dhe Mandateve e zëvendësohet nga Oerd Bylykbashi.