Komisioni parlamentar i Ekonomisë ka zhvilluar një seancë dëgjimore me kandidatin për kryetar të Kontrollit të Lartë të Shtetit, Bahri Shaqiri.
Opozita është paraqitur e përçarë sot në Kuvend. Komisioni parlamentar për Ekonominë po shqyrton kandidaturën e Bahri Shaqirit për postin e drejtimit të Kontrollit të Lartë të Shtetit, një person ky i lidhur me LSI pasi ka mbajtur detyrën e zv/ ministrit kur PS dhe LSI ishin në koalicion, raporton tirananews.al
Nga opozita kanë qenë vetëm dy deputetët e LSI-së, Edmond Haxhinasto dhe Përparim Spahiu.
Në fjalën e tij Shaqiri tha se Ka mbrojtur me vendosmëri interesat e vendit. “Dhe në krye të KLSH do të bëja të njëjtën gjë”, vijon ai. Ndër sfidat e detyrës ai ka renditur parandalimin e korrpusionit dhe mirëmenaxhimin e financave publike.
Bahri Shaqiri u popozua nga Presidenti Ilir Meta për të drejtuar KLSH, por duket se maxhoranca ka shprehur rezerva pasi sipas tyre nuk ka eksperiencë financiare. Megjithatë më herët ministrja për marrëdhëniet me Parlamentin, Elisa Spiropali tha se kandidatura do të shqyrtohet sipas ligjit./ tirananews.al