Oriola Marashi është padyshim një nga modelet më të mira në Shqipëri, por duket se fama e saj i ka kaluar kufijtë shqiptar.
Modelja shqiptare dhe një nga femrat më të kërkuara, së fundmi është bërë pjesë e kompanisë prestigjioze ndërkombëtare, “Guess”.
Një femër e jashtëzakonshme dhe e përkushtuar ndaj artit, Marashi tashmë është pjesë e veprimtarive të rëndësishme rajonale, evropiane dhe botërore.
Me fotografitë që ka sjellë në bikini, modelja thotë disa fjalë, pasi iu realizua ëndrra e saj e fëmijërisë.
“Unë gjithmonë kam ëndërruar dhe punuar shumë për këtë moment, dhe eksperienca me këtë ekip të mrekullueshëm ka qenë bekim në jetën time. E gëzuar që jam pjesë e ‘Guess’. Një falënderim i veçantë për të gjithë”, janë fjalët e Marashit.
23-vjeçarja ka paralajmëruar edhe futjen e saj në muzikë, andaj në të ardhmen mund ta shohim edhe pjesë të tregut tonë muzikor.