Sot u prezantua projekti “OSHEE Charge”, një shërbim i ri i karikimit të automjeteve elektrike për të shkuar drejt energjisë së pastër dhe transportit të qëndrueshëm. Zv/kryeministrja dhe ministrja Belinda Balluku teksa ka publikuar foto ku shihet krah Ramës, shkruan që kështu do të vendosen themelet për rregullimin dhe formalizimin e një tregu në zhvillim.
Postimi i plotë
Me Kryeministrin Edi Rama në prezantimin e “OSHEE Charge”, një projekt inovativ që shënon një tjetër hap drejt së ardhmes së gjelbër të Shqipërisë.
Ky rrjet kombëtar për karikimin e mjeteve elektrike nuk është vetëm një shërbim i ri për qytetarët, por një nismë që vendos themelet për rregullimin dhe formalizimin e një tregu në zhvillim të shpejtë.
Do të nisim nga Tirana, me një qendër model që do të shërbejë si pikënisje për shtrirjen në të gjithë vendin. Transformimi i sektorit energjetik po hyn në një fazë të re, atë të teknologjisë, inovacionit dhe lehtësive për qytetarët.