Ky në foto është 86-vjeçari nga fshati Fierzë i Rubikut. Vazhdon të udhëtojë me biçikletë dhe të kryejë dhe punët e familjes.
Në jetën e tij shquhet për disiplinën e fortë në gjithçka. Punonte në metalurgjinë e Rubikut tek fronti më i vështirë, konverti. Por ia dilte dhe me punë krahu megjithëse kishte familje të madhe, dallohej për kushte të mira të jetesës. Ka qenë ndër punëtorët më të fuqishëm fizikisht në Metalurgji.
Rrugën nga fshati për tek puna gjithnjë e ka bërë me biçikletë. Madje disponon dhe lejen e lëshuar asokohe për qarkullim me biçikletë.
Vazhdon edhe sot ta bëjë dy herë në ditë rrugën nga fshati Fierzë për në Rubik, si një lloj rituali i hershëm, ndaj dhe duket sikur po jeton “rininë e pleqërisë” së mbarë! /Gjergj Marku/