Lajmi se Bujar Leskaj, drejtuesi politik i PD për qarkun e Vlorës, ka dhënë dorëheqjen ishte kryefjalë e mediave në orët e vona të mbrëmjes të martës, 9 mars.
Por menjëherë ky lajm u përgënjeshtrua nga Partia Demokratike, duke e cilësuar një sajesë të kryeministrit Rama.
Nënkryetari i Partisë Demokratike, Edi Paloka, sqaroi për Rtv Ora të gjithë dinamikën e kësaj ngjarje.
Paloka: Nëse Bujari do të ishte ashtu siç sajoi Rama që do të kishte dhënë dorëheqjen sot ju do të kishit parë sesi Rama do ta ngrinte në piedestal Bujar Leskajn, do të thoshte ky ishte më i miri dhe ky e la, ky është Rama.Sot e paska bërë dhe Bujarin personazh, nuk ja vlen të merresh më me Ramën. Nga sot është e shkuara. Me 25 prill do të marrë atë që meriton nga shqiptarët dhe pas 25 prillit atë që meriton nga drejtësia. Rama është i djegur, i mbaruar. Të mos merremi më me të, merremi më mirë me të ardhmen, mos të merremi me figura që të japin ndjesinë e të vjellit kur i përmend. Rasti ishte sajesë e Ramës. Sigurisht ne kemi debate dhe diskutime ku mblidhemi për të bërë gjërat më mirë, kjo u mor, u fry dhe u bë ajo që u bë.