Një tjetër ngjarje e rëndë ka ndodhur në Greqi. Një boksier është autori i vrasjes në një kafene që ndodhet në rrugën Papafi, në Selanik.
Ky është Leontis Vorrias i cili pasi qëlloi me armë ish-partneren dhe e plagosi, kreu vetëvrasje.
Para se të kryente krimin, ai paralajmëroi në rrjete sociale se çfarë do të bënte.
“Po i afrohemi garës së fundit. E vetmja gjë nga e cila nuk kam frikë ishte vdekja. Nuk e di se çfarë po bëni”, ishte mesazhi i fundit i Leontis Vorrias pak para se të shkonte në kafenenë e saj dhe të qëllonte me armë.
Gruaja fatkeqe pak para se të plagosej nga ish-partneri kishte postuar një foto në rrjetet sociale ku shkruante: “Mësoni si të kaloni mirë pa pirë. Komunikoni pa celular. Ëndërroni pa drogë, buzëqeshni pa bërë selfie dhe jepni dashuri pa egoizëm.”
Bëhet e ditur se gruaja kishte marrë masa sigurie ndaj boksierit ndërsa në periudhën para se të ndaheshin ata të dy kishin pasur zënka të shpeshta.
“Ata ishin divorcuar së fundmi dhe që nga ajo kohë ai e ka kërcënuar shpesh, madje ka deklaruar se do ta vriste”, -tha nëna e viktimës.
Përvec kësaj ngjarje të rëndë, një krim ka ndodhur në Greqi ku janë vrarë katër anëtarë të një familje.