Sot është Ukraina, nesër mund të jetë e gjithë Evropa”, tha parlamenti ukrainas të dielën.
Videoja e postuar nga Parlamenti i Ukrainës në llogarinë zyrtare në Twitter shkakton bujë. Në veçanti, duke dashur të sensibilizojë komunitetin botëror ndaj pushtimit rus të Ukrainës, Parlamenti i vendit praktikisht po përdor Parisin si një vend bombardimi.
Më në detaje, video nis me një turist duke u fotografuar në “Kullën Eifel”, kur befas luftëtarët nisin të bombardojnë kryeqytetin francez nën britmat e tmerrit të qytetarëve. Në këtë mënyrë, Parlamenti ukrainas po përpiqet të tregojë se, nëse Putini fiton, madje është e hapur rruga për Rusinë për të pushtuar pjesën tjetër të BE-së.
“Kulla e famshme Eiffel apo Porta e Brandenburgut në Berlin do munden të qëndrojnë ndaj bombardimeve të vazhdueshme ruse? Mendoni se kjo nuk ju shqetëson? Sot është Ukraina, nesër mund të jetë e gjithë Evropa. Rusia nuk ndalet para asgjëje,” ka shkruar parlamenti ukrainas krahas videos.
“Nëse ne biem, do të bini edhe ju”, përfundoi ai, duke i bërë jehonë deklaratës së presidentit ukrainas Volodymyr Zelensky.