Këngëtari i njohur, Erik Lloshi ka vetëm pak ditë nga kurorëzimi i martesës së tij me Rominën, por duket se çifti e ka shtyrë muajin e mjaltit për më vonë.
Ishte vetë këngëtari i cili zbuloi ditën e djeshme në emisonin e Rudinës se pas momentit të dasmës vijuan punët e tyre, duke zgjedhur që t’i shijojnë pushimet në dimër.
Këngëtari pohoi gjithashtu se vendi ku e ka njohur bashkëshorten e tij është banka, pasi aty punon dhe motra e tij.
“Romina punon në një punë bashkë me motrën time. Rastësisht kur motra ime dhe Romina ishin në kafe unë i kam parë dhe e kam pyetur motrën. Sebepi ka qenë motra. Ne kemi gati 2 vite që njihemi. Pasi pyeta motrën kush është, vendosa të veproj vetë. Motra më tha se do ma rregullonte, por i thashë nuk është nevoja për shkresë”, tregoi Erik Lloshi duke qeshur në studio.
Më pas ai zbuloi se biseda e parë është bërë në ‘Instagram’ për të vijuar më pas përballë njëri-tjetrit.
Momentalisht çifti është duke kaluar një nga periudhat më të bukura të tyre dhe me siguri do jenë duke pritur pushimet e mjaltit në dimër.